أنا بعيد عن الفن بمزاجي.. واللي اشتغلت معاهم ماتوا

الأحد 01/ديسمبر/2024 – 06:01 ص

كشف الفنان محمود البنا، عن معايير اختيار أعماله الفنية، مؤكدًا أن ابتعاده عن الساحة الفنية بكامل إرادته حفاظًا على تاريخه الفني وانتقاء نوعية الأعمال التي يقدمها.

وقال محمود البنا، في تصريح خاص لـ القاهرة 24: أنا بعيد عن الفن بمزاجي، لأن نوعية الأعمال للي بيتم تقديمها دلوقتي لا تناسبني، وأنا مبحبش أطلع أشتكي من قلة الشغل لأني بعيد بمزاجي، وأنا موظف في المسرح القومي وكمان عندي عائلتي وشغلي الخاص.

وتابع محمود البنا: اللي بيهمني الورق والسيناريو، أنا اشتغلت مع عمالقة الدراما المصرية، وقفت قدام نور الشريف بطل، ولكن فين اللي اشتغلت معاهم؟ يا إما ماتوا أو احترموا نفسهم زيي وقرروا يبعدوا في هدوء، وبندعي الحال يتعدل ويتقدم أعمال تناسبنا.

تفاصيل الحالة الصحية لـ محمود البنا

وكان كشف الفنان محمود البنا تفاصيل حالته الصحية بعد دخوله المستشفى، قائلًا: دخلت المستشفى وكان في نار في صدري وكنت خايف، وكان عندي ألم في البنكرياس، وأنا دلوقتي اتحسنت وواقف على رجلي، والفضل يرجع لـ الدكتور أشرف زكي بعد ربنا، هو أنقذني وأنا كنت لوحدي وتايه مش عارف أطلب عربية، وهو وداني المستشفى ووصى عليا، وهخرج خلال يومين.

كما وجه محمود البنا الشكر للدكتور أشرف زكي، نقيب المهن التمثيلية قائلًا: ألف شكر على ملائكيتك اللي بتظهر وقت الشدة، فعلًا أشرف زكي هو السند بعد ربنا، هو وقف معايا من أول دقيقة في التعب وهو في الأساس أستاذي.