إسلام إبراهيم يكشف سبب عدم مشاركته في السباق الرمضاني المقبل: الأعمال الحلوة طول السنة

السبت 21/ديسمبر/2024 – 07:22 ص

تحدث الفنان إسلام إبراهيم، عن رأيه في الأعمال الفنية التي تعرض حاليًا خارج السباق الرمضاني، والمنافسة الرمضانية.

وقال إسلام إبراهيم، على هامش حضوره مهرجان الأفضل: أنا مبقتش شايف أن المنافسة في رمضان بس، دلوقتي بقى في أعمال كتير حلوة بتتعرض طول السنة مش في رمضان فقط، وأهم حاجة أن الواحد يختار عمل جيد.

أما عن سبب عدم مشاركته في السباق الرمضاني المقبل 2025، فعلق إسلام إبراهيم: العمل اللي كنت هدخل بيه في رمضان مش أحسن حاجة، فقررت إني مشاركش.

وفي سياق آخر، سبق كشف إسلام إبراهيم إمكانية تقديم جزء ثاني من مسلسل تيتا زوزو، بطولة الفنانة إسعاد يونس، والذي عُرض خلال الفترة الماضية وحقق نجاحًا كبيرًا منذ عرض أولى حلقاته، فقال الفنان في تصريحات إذاعية على راديو 9090 -: تيتا زوزو بنسبة 90% إن شاء الله في جزء تاني، الناس عايزة ده وطالما الناس ارتبطت بالشخصيات في أعمال العائلة بيبقوا عايزين منه 600 حلقة، والأجزاء أثبتت نجاحها في أعمال زي اللعبة وأبو العروسة، طالما هيتعمل أفضل من الجزء الأول ليه لأ.

أما عن مشاركته في مسلسل تيتا زوزو، علق إسلام إبراهيم: إسعاد يونس لها فضل عليا، وعملتلي حلقة مناصفة مع أحمد داود وأنا وقتها كنت وجه جديد، وأنا ممتن للست دي وفرحت لما عملت معاها مسلسل تيتا زوزو، وأنا من جوايا بقول أنا هقف قدام حد أنا بعشقه، وهي بتدوب الخوف وي بساطة العظماء، وهي عارفة أنها نجمة كبيرة وبتتعامل بتلقائية والشغل معاها كان حلم.