ابنة بشير الديك: صحابه من الوسط الفني كانوا كبار في السن ومش بيقدروا يزوروه

كشفت ابنة السيناريست بشير الديك، تفاصيل اللحظات الأخيرة في حياة والدها قبل دخوله إلى المستشفى، حيث قالت: كان هو وماما بيصحوا بدري ويشغلوا سورة البقرة وبعدين يفطروا وينزل مكتبه.

وتابعت ابنة السيناريست بشير الديك، في تصريحات لـ القاهرة 24، أن والدها كان على تواصل دائم مع أقاربهم في البلد، وكانت علاقته بهم قوية جدا، مضيفة: بابا تعب فجأة وروحنا به المستشفى كان عنده التهاب رئوي حاد، لكن تلقى العلاج وبقى كويس وخرج من المستشفى لكنه تعب تاني ودخل المستشفى تاني ودي كانت آخر مرة.

وأضافت ابنة السيناريست بشير الديك، أن زملاء والدها في الوسط الفني كانوا كبار سنا وبالتالي لا يقدرون على زيارته، مضيفة: منعنا الزيارة في آخر أيامه امتثالا لكلام الدكاترة؛ لأنه كانت مناعته ضعيفة.

واستكملت ابنة بشير الديك: الفنان حمدي الوزير صاحب بابا من زمان وأنا وولاده متربيين مع بعض، وهو كان بيحب بابا جدا وبابا بيحبه.. وآخر أيامه كان بيهزر ويضحك علشان يحاول يطمني، وهو طول عمره مش بيحب الكآبة.