اتكسرت بعد فقدان أبويا.. ونفسي أقدم فوازير

الإثنين 09/ديسمبر/2024 – 05:04 ص

كشفت الفنانة دينا الشربيني علاقتها بوالدها قبل وفاته، مشيرة إلى أنها شعرت بالكسر بعد فقدانه، بجانب حديثها عن أحدث أفلامها، فيلم الهنا إللي أنا فيه، المقرر عرضه يوم 15 ديسمبر.

وقالت دينا الشربيني في تصريحات تليفزيونية: أنا فخورة بوالدي بزيادة، وأنا من يوم ما اتولدت وأنا عارفة قيمته وهو كل حاجة فى حياتي، لما توفي عرفت إن الدنيا مش مستهلة.. ولو عندك 5 دقايق روح بوس إيد أهلك وأمشي.

وأضافت دينا الشربيني أن علاقتها بوالديها كانت ولا تزال جيدة، معقبة: طبيعة شغلي غصب عني شهور مش بنام، ويومك مقلوب، فحتى لما كنت بروح لهم كنت بنام وإحنا قاعدين عادي، ولو أنا كنت عارفة إنه هيموت كنت هأجل حاجات كتير أوي، البنت بتكون قوية لحد ما تفقد أبوها بتتكسر، مفيش حد هيتقارن بـ الأب، وأخويا سندي بعد أبويا.

دينا الشربيني والفوازير

في سياق آخر، أعربت دينا الشربيني عن حماسها بالمشاركة في تقديم الفوازير، قائلة: أنا بحب الاستعراض أوي، ونفسي أعمل فوازير، بس هي صعبة أوي، فيه ناس علامة في المجال ده شريهان ونيللي، وقابلت شريهان مرة وقلتلها قد إيه أنا بحبها.

فيلم الهنا إللي أنا فيه 

وتحدثت دينا الشربيني عن فيلمها الهنا اللي أنا فيه، قائلة: الفيلم من البوستر يوحي أنه بيتكلم عن 2 صحاب هيتجوزوا نفس الراجل بس لما تشوفوه هتفهموا أكتر، الفيلم مكتوب حلو جدا، وأستاذ خالد مرعي اشتغلت معاه قبل كده، ومن زمان نفسي أشتغل مع كريم محمود عبد العزيز عشان عمرنا ما اشتغلنا مع بعض، وأنا وياسمين رئيس لما بنشتغل مع بعض بتبقى حاجة تحفة، وفيه فيلم تاني مع عمرو يوسف وإحنا عِشرة مش أول مرة نشتغل سوا يعني والفيلم حلو جدًا.