شكرا على متابعتكم خبر عن بدرية طلبة تشن هجوما عنيفا على منتقدي زفاف مي فاروق: ربنا ينتقم منكم
الأحد 05/يناير/2025 – 08:13 م
أعربت الفنانة بدرية طلبة، عن استيائها الكبير بسبب الانتقادات التي طالت المطربة مي فاروق، بعد احتفالها بـ زفافها على الفنان محمد العمروسي، مطالبين مراعاة شعور أبنائها.
ونشرت بدرية طلبة، بعض التعليقات على زفاف مي فاروق، وكتبت عبر حسابها بموقع فيسبوك: هي مي فاروق غلطت في إيه؟ عندها 41 سنة وتقولولولها احترمي سنك؟ دا فيه بنات في سنها ولسه متجوزوش أصلًا، وبعدين لو على احترمي سنك يبقي تحترمي أنتي سنك يا اللي كتبتي التعليق دا.
وتابعت بدرية طلبة: عملت فرح؟ ما تعمل يمكن مفرحتش قبل كده وربنا بيعوضها بتستكتروا الفرح عليها ليه؟ عيالها كبار؟ كويس يعني فاهمين وواعين وراضيين ولا انتو شوفتوهم لابسين مقطع وبيعيطو على جنب؟! دول كانو فرحانين وبيشاركوها فرحتها ولا أنتي ياللي كتبتي التعليق دا الحنية بتخر منك وأحن على العيال من أمهم؟
وأضافت: مش عاجبك إنها لابسه فستان وطرحة؟ ما تلبس اللي نفسها فيه، اتقوا الله في نفسكم لا فرح عاتقينا ولا في حزن راحمينا.. ناس مريضة وفاضية متعرفوش ربنا.. يا تحسدوا وتحقدوا يا تطلعوا الغل اللي جواكم في التعليقات ربنا ينتقم منكم.
مي فاروق ومحمد العمروسي
واحتفلت الفنانة مي فاروق والفنان محمد العمروسي بحفل زفافهما في أحد الفنادق الكبرى بمنطقة وسط البلد، الخميس الماضي، بحضور عائلة العروسين والأصدقاء المقربين وعدد من نجوم الفن، ومن أبرز الحضور كل من: المطربة أنوشكا، الملحن تامر حسين، الفنان إيهاب فهمي، والملحن مدين، والإعلامية بوسي شلبي، وعدد آخر من الفنانين.
