بعد إحالتهم للمفتي.. اعترافات المتهمين بإنهاء حياة مينا موسى ممرض المنيا

أصدرت محكمة جنايات شمال القاهرة، المنعقدة بالعباسية، قرارًا يفيد بإحالة أوراق المتهمين بإنهاء حياة المجني عليه مينا موسى ممرض المنيا، إلى فضيلة مفتي الجمهورية؛ وذلك للأخذ بالرأي الشرعي في تنفيذ عقوبة الإعدام شنقًا عن الاتهامات المنسوبة إليهم.

محاكمة المتهمين بإنهاء حياة مينا موسى ممرض المنيا

وحددت المحكمة جلسة 27 يناير 2025 للنطق بالحكم على المتهمين، على خلفية اتهامهم باستدراج ممرض المنيا إلى القاهرة وخطفه واحتجازه داخل شقة في منطقة الزاوية الحمراء، ثم التعدي عليه وذبحه وتقطيعه لأشلاء.

وفي ذات السياق، أدلى المتهمين بإنهاء حياة مينا موسى ممرض المنيا، باعترافات مثيرة أمام جهات التحقيق، حيث قال المتهم الأول إنه كان يمر بضيقة مالية وهو ما دفعه للتخطيط لاستدراج المجني عليه.

وقال المتهم الأول بواقعة ممرض المنيا: بدأت أفكر إزاي أجيب فلوس من الضيقة اللي أنا فيها.. وقبل الواقعة بيوم ابن خالتي جه يبات معايا في البيت اللي أنا شغال فيه لأني بشتغل جليس لكبار السن.. هو كمان ظروفه كانت صعبة فقعدنا نفكر إزاي نجيب فلوس لحد ما جه في دماغي إننا نستدرج حد على البيت اللي أنا شغال فيه ونسرقه.

وأضاف: جه في بالي واحد كلمني من فترة سألني على شغل مع حد مسن وأنا سجلت رقمه من ساعتها.. وكلمته من خط مش متسجل وعملت فيها واحدة ست وقولت له إني محتاج جليس مع راجل كبير بس هو كان شغال ورشحلي مينا واداني رقمه لأنه كان بيدور على شغل.. كلمت مينا وعملت فيها واحدة ست بردوا وقولت له إني بدور على جليس لراجل مسن بمرتب 350 جنيه في اليوم.

واستكمل المتهم الأول بواقعة ممرض المنيا: مينا قالي إنه جاهز واتفقت معاه يجي من المنيا الصبح يوم 29 سبتمبر 2024.. واتفقت مع ابن خالتي إني هنزل أجيب مينا وهو هيكون مستخبي في البيت ورا الباب ومعاه ماسورة حديد.. وأول ما أدخل أنا ومينا من الباب يهدده عشان ميعملش صوت ونسرقه ونمضيه على وصل أمانة أو نطلب فدية.