بعد إخلاء سبيله.. شقيق عصام صاصا: احنا أغلب خلق الله واتعلمنا من اللي حصلنا

تحدث محمد طه، شقيق مطرب المهرجانات عصام صاصا، عن كواليس إخلاء سبيله بعد قرار المحكمة بقبول استئناف عصام صاصا وشقيقه على حكم حبسهما لمدة سنة، وذلك على خلفية اتهامهما في قضية تزوير في محرر رسمي مع إيقاف التنفيذ لمدة 3 سنوات.

شقيق عصام صاصا بعد إخلاء سبيله: اتعلمنا من اللي حصلنا

وقال شقيق عصام صاصا: اللي حصل ده نصيب  وقضاء وقدر من عند ربنا واتعلمنا منه.. والحمد لله على كل شيء.. وإن شاء الله اللي جاي هيبقى أحسن لينا كلنا ومفيش حاجة هتبعدنا عن بيتنا تاني أو شغلنا.

وأضاف أنه مر بموقف وفترة صعبة رفقة شقيقه عصام صاصا، حيث أنهما لم يتوقعا أبدًا ما حدث معهما لأنهما لم يتعمدا ارتكاب أي خطأ.

وتابع شقيق عصام صاصا: إحنا أغلب خلق الله وأنا وعصام كنا زعلانين لأن عمرنا ما تخيلنا إننا هنتحط في موقف زي ده.. كنا مركزين طول الوقت في شغلنا عشان نبسط الجمهور وعصام عمره ما غلط في حد أبدًا وكان زعلان على اللي حصل معاه.

كما أوضح أن الأزمة التي مر بها وشقيقه عصام صاصا كانت صعبة للغاية، قائلًا: أهلنا هما أكتر ناس وقفوا جنبنا الفترة اللي فاتت.. ونفسي عصام يبقى جنبي والناس كلها بتحبه ومستنياه يخرج بالسلامة.. وإن شاء الله لما يطلع هيكسر الدنيا وهيفرح جمهوره.