شكرا على متابعتكم خبر عن بنتي جالها نزلة معوية.. سيدة تشكو من شيكولاتة إيتوال: بداخلها عفن
الثلاثاء 03/ديسمبر/2024 – 07:22 م
نشرت سيدة عبر حسابها الرسمي بمنصة تيك توك، فيديو عبرت فيه عن استيائها من أحد منتجات إيتوال، بعد عثورها على عفن داخل قطعة شيكولاتة بنكهة جوز الهند.
سيدة تشكو من شيكولاتة إيتوال
وقالت السيدة في فيديو نشرته عبر منصة تيك توك للفيديوهات: الشيكولاته دي من إيتوال، بنتي خدت قطمة وقالتلي طعمها وحش جدا، شوفوا لقيت جواها ايه، لما فتحتها عفن موجود بقاله فترة كبيرة.
وأضافت: شايفين بصوا جوز الهند حواليه عفن عامل ازاي حسبي الله ونعم الوكيل فيهم، كل منتجاتهم بقت سيئة جدا ومتصلحش للأكل بنتي جالها نزلة معوية ادعولها.
وأوضحت أنها تواصلت بالفعل مع خدمة العملاء فى إيتوال، وتواصل معها أكثر من موظف، مبررين أن الشكوى حالة فردية ولن تتكرر مرة أخرى فتقول: أنا بعتلهم فعلا واحد كلمني وقعد يقولى تمام هقول للفرع يراجع الصلاحية وبعتذرلك ومش هتحصل تاني دي مشكلة نادرة.
شكاوى عملاء من إيتوال
ولاقى الفيديو تفاعلا واسعا بين مستخدمي مواقع التواصل الاجتماعي، حيث كتب صاحب حساب: جبت حلويات المولد منهم كانت مليانة نمل وكنت جيباه هدية لناس كمان دي الكارثة بقى، وكتب صاحب حساب آخر: حصل معايا موقف زي ده، في حلاوة مولد النبي ورحت وغيرت الأوردر كله، وأردف شخص آخر: ايتوال مكان سيئ جدا، جبنا علبة حلاوة المولد الشنطة دى بمبلغ محترم وطلعت كلها طرية وطعمها وحش جدا، وكتب مستخدم آخر: حاجتهم مش رخيصة وفي المقابل منتجات بايظة، وكل حاجة مش حلوة حسبي الله ونعم الوكيل مفيش عندهم أي ضمير إطلاقا.
