شكرا على متابعتكم خبر عن بنتي غلبانة وكانت عاوزة تعيش.. والدة ضحية زوجها بالإسكندرية: كنت عارفة إنها هترجعلي مقتولة والان مع تفاصيل هذا الخبر الحصري من موقع
سيطرت حالة كبيرة من الحزن على أسرة الزوجة التي لقيت مصرعها على يد زوجها في منطقة الزوايدة بمحافظة الإسكندرية، بإنهاء حياتها شنقًا بسبب كثرة الخلافات بينهما في الفترة الأخيرة؛ وذلك لأنه كان عاطلًا عن العمل منذ فترة طويلة.
مقتل زوجة على يد زوجها بالإسكندرية
وقالت والدة المجني عليها، إنها أجبرت ابنتها على الطلاق مرتين من زوجها بسبب استحالة العيش معه، إلا أنها كانت تعود له من جديد لأنها تحبه وتريد أن تعيش معه.
وتابعت: طلقت بنتي مرتين قبل كده من جوزها وكانت بترجع له تاني.. كانت بتقولي عاوزة أرجع عشان بنتي متترباش مع راجل غريب.. كنت بروح عندها البيت مش بلاقي عندها حتى العيش الحاف.. وأنا وإخواتها اللي كنا بنصرف عليها ورغم كده كانت عاوزة تعيش معاه.. كنت بقولها يا بنتي اتطلقي وبلاش جوزك يذلك بس للأسف كانت بتحبه.
وأضافت والدة المجني عليها، أن زوج ابنتها دائمًا ما كان يعتدي عليها بالضرب ويحدث بها إصابات متفرقة في أنحاء جسدها، وفي أغلب الأحيان كانت ابنتها لا تخبرها بذلك ولكنها كانت تكتشف الأمر لاحقًا.
وواصلت: قبل ما يخلص عليها راحت تشتري له هدية وأنا قولت لها بلاش ميستاهلش.. خدت مننا الفلوس ونزلت تشتري الهدية وبعدها خلاص مشوفتهاش تاني.. وربنا ما يكتب على حد لحظة ما جالي خبر بنتي.. الضنا غالي والفراق صعب.. بنتي كانت غلبانة وبترضى بأي وضع عشان تعيش من غير مشاكل.
وأوضحت والدة المجني عليها، أنها توقعت أن ابنتها سوف تُقتل على يد زوجها بسبب سلوكه العنيف معها، وبالفعل حدث ما كانت تخاف منه، مختتمة: مش عاوزة غير حق بنتي.. كنت متوقعة إنها هتتقتل في أي يوم لأن جوزها وحش واللي خوفت منه حصل.
