بنحاول نتخطى هنرجع للصفر تاني

الإثنين 02/ديسمبر/2024 – 02:26 ص

رفضت شروق أشرف شقيقة نيرة أشرف تجسيد شخصية شقيقتها الراحلة في مسلسل ساعته وتاريخه، المقرر عرضه يوم الخميس المقبل.

وقالت في تدوينة على فيس بوك ” المسلسل ده اتعمل ع اي اساس !!!!! انتم عندكم علم ان نيره عاشت سنتين في رعب وخوف والم وكانت بتاخد مهدئات ومكنتش بتعرف تنام من القلق وكمان ال 5 محاضر اللي عملناهم في القاهره والمحله نيره كان ليها حق وهي عايشه قبل ماتروح بالطريقه دي ومخدتهوش هل انتم اتكلمتو عن ده ؟؟؟؟؟؟؟!!!!!!!! انتم عندكم علم احنا اتعذبنا قد اي عشان نبعد الواد ده عنها”.

وأضافت ” كلمنا اهله كام مره عشان يبعده عن نيره عملنا محاضر في الاقسام واتبهدلنا واتمرمطنا احنا بنحاول نتعايش ونتخطي اللي حصلنا والمسلسل ده هيرجعنا لنقطه الصفر تاني ازاي مشاعر الناس عندكم ملهاش قيمه بالشكل ده !!!!!!!!!”.

وظهرت الفنانة مايان السيد، في البرومو الرسمي لمسلسل ساعته وتاريخه، والمقرر عرضه يوم الخميس المقبل، وسرعان ما ظهرت لثوان معدودة وهي تجلس داخل أحد الأتوبيسات، بينما يحاول أصدقاؤها تهدئتها.

وعلم القاهرة 24 من مصادره الخاصة أن مايان السيد، تجسد شخصية نيرة أشرف طالبة جامعة المنصورة التي قتلت غدرا أمام بوابة الجامعة منذ حوالي عامين، وتم معاقبة الجاني محمد عادل المتهم بقتلها بالإعدام في يونيو 2023، وتعيش السيد أجواء مقتل طالبة المنصورة ورحلتها من مدينتها وحتى أبواب الجامعة، لحضورها امتحان بالكلية قبل واقعة مقتلها على باب الجامعة.