شكرا على متابعتكم خبر عن بوظلي العربية ومضربتوش.. أقوال محمد سامي في اتهامه بالتعدي على مدير مركز صيانة بالشيخ زايد| خاص
الإثنين 02/ديسمبر/2024 – 06:37 م
حصل القاهرة 24 على نص التحقيقات في قضية اتهام المخرج محمد سامي بالتعدي على صاحب مركز صيانة سيارات بالشيخ زايد، بسبب حدوث تلفيات لسيارته داخل مركز الصيانة.
أقوال المخرج محمد سامي
واستدعت جهات التحقيق المخرج محمد سامي لسؤاله عن واقعة تعديه بالضرب والسب على مدير مركز صيانة.
وجاءت أقواله كالآتي:
س: ما اسمك وسنك وعملك؟
اسمي محمد سامي عندي 40 سنة، وشغال مخرج سينمائي حر.
س: ما قولك فيما هو منسوب اليك من أنك متهم بالتعدي ضربا على المجنى عليه أحمد. ف محدثا ما به من إصابات موصوفة بالتقرير الطبي المرفق والتي أعجزته عن أشغاله الشخصية مدة لا تزيد عن 20 يوما؟
ج محصلش.
س: ما قولك فيما هو منسوب الملك من أنك متهم بسب المجني عليه بألفاظ على النحو المبين بالتحقيقات؟
ج: محصلش.
س: اذكر إذا تفصيلات ما حدث؟
ج اللي حصل إني اشتريت عربية ماركة مرسيدس جي 63 لونها أزرق، وكنت عايز أعمل لها أفلام حماية، وكنت بدور على مكان قريب في زايد، ولقيت مكان وجبت رقمه من على انستجرام، وكلمت التليفون اللي على البيدج رد عليا واحد اسمه أحمد ورحتله وقلتله إني عايز أعمل أفلام حماية، وبلغني إنه بيعمل خامة أمريكية، وإنها أفضل خامة في السوق، وده كان طلبي وسألته عن السعر وقالي بعد ما يخلص العربية هيقولي كل حاجة، وإنه هيعملى عازل للحرارة هدية، وقولتله خليني أسأل عليه الأول وأقولك، والتواصل ده بینی وبین أحمد يوم 12 يوليو 2024 الساعة 9 بالليل تقريبا، واتفق معايا أسلمه العربية وقلتله هجبهالك بكرة أول ما أرخّص، ومرخصتش اليوم ده وودتهاله يوم 2024/7/14، وفي اليوم ده أنا رحت المركز في بيفرلي هيلز الشيخ زايد، وكلمته قالي هتقابل واحد اسمه “ف”، وده صنایعی تاني، وأنا كان معايا كريم المساعد بتاعي.
وتابع المخرج محمد سامي في اعترافاته: قابلت “ف” ووعدني إنه هيعمل العربية كويس جدا، وإنه عايز 3 أيام علشان يخلص العربية، وأنا بلغته اللي اتفقت مع أحمد عليه، وقلتله عايزها خلال يومين وهو وافق وقالي تمام بس هكلمك بعد يومين الساعة 5 أو 6، وقالي إنه عايز يعملي مادة على الكراسي هدية، وأنا رفضت قلتله خليني أسأل عليه وبعدين سألت عليه وقلتله أعمله، وسلمته العربية وقالي ممكن أتصور معاك بالعربية كدعاية، وأنا رفضت وقلت أنا مش بحب أعمل دعايا، ولو العربية خلصت كويسة ممكن أبقى أتصور بس متبقاش للدعاية والأونلاين، وسبت العربية وبعد يومين تواصل معايا فراج وبلغنى إن العربية خلصت وجاهزة أستلمها.
وأضاف المخرج محمد سامي: رحت استملها منهم ولما وصلت بصيت على العربية لقيتها قذرة جدا، وكنت معترض على شكل العربية في التسليم ولقيت الاكصدامات الخلفية متعملتش والسقف بايظ، والقوايم اللي بين البيبان متعملتش، ولقيتهم معملوش العازل والنانو سيراميك، وقلتلهم أنا مش عايزها وعايز الحاجة الأساسية، وساعتها قابلت محمود وكان شخصية محترمة في التعامل، والصنايعي اللي كان موجود بس أنا مش عارف اسمه، كان بيقولي الحقيقة والأخطاء اللي في حماية العربية، وأحمد كان بيكابر وبيكذب عليا، وأنا قولت لمحمود متخليهوش يتعامل معايا لأنه بيكذب عليا، ومحمود قالي إن عندي حق وبعدت عن المكان.
وأكمل سامي: أنا ساعتها قلتلهم فكوا الراب، ومحمود قالي استنى خد العربية وسافر، ولما ترجع سبلي 3 أيام براحتي، وانا مصلح كل الأخطاء، وساعتها أنا استلمت العربية وسافرت بيها الساحل، كلمني أحمد وأنا هناك، وسألني هتجيب العربية ولا لأ، قلتله أنا ندمان إني اتعاملت معاكم، وقولي حسابها كام ومقاليش سعرها وقالي لو سمحت هات العربية، وأنا هعملها وحاول يرضيني واتفقت معاه إني هجيبهاله تاني يوم، ويوم 22 / 7 / 2024 أنا بعت العربية بتاعتي مع مؤمن وخالد سواقين عندي للمركز، واستملوا منهم العربية وساعتها مؤمن وخالد وروا اللي كانوا في المركز، وقاله ييجي يستلم العربية قبل الساعة 3 علشان النهاردة نص يوم، وهو مسافر وطلب منه يحوله على الإنستا باي 50 ألف جنيه، وادعى إني عارف إن ده اجمالی حسابي، وأنا مكنتش أعرف لأن محدش اتفق معايا على السعر.
