حسيته متضايق مني ورافض يبص لي.. أقوال محمد فؤاد في التحقيقات قبل تصالحه مع طبيب عين شمس| انفراد

الثلاثاء 10/ديسمبر/2024 – 03:04 م

حصل القاهرة 24 على نص التحقيقات في قضية مشاجرة مستشفى عين شمس، بين الفنان محمد فؤاد، والطبيب مصطفى أيمن، في 20 أغسطس الماضي.

نص تحقيقات قضية محمد فؤاد

وجاءت أقوال محمد فؤاد كالآتي:

س: ما قولك فيما هو منسوب إليك من أنك متهم وآخرين بإهانة كل من المدعو مصطفى أيمن، حال كونه موظفًا عامًا مدرس مساعد القلب بمستشفى عين شمس التخصصي، أثناء تأدية وظيفته، وكان ذلك بالقول بأن وجهت إليه عبارات (يطلعوني أنا بره يلعن … ده ابن … أنا محمد فؤاد يا قليل الأدب، وكذلك المدعوة دنيا أحمد فني تمريض رابع بمستشفى عين شمس التخصصي، وكان ذلك بالقول بأن وجّهت لها عبارة (متزغرليش يا بنت ال… وذلك على النحو المبين بالتحقيقات؟
ج: محصلش. 

س: ما طبيعة عملك؟
ج: أنا محمد فؤاد مطرب.
س: ما سبب ذهابك إلى مستشفى عين شمس التخصصي؟
ج: أنا روحت المستشفى عشان جالي اتصال من أختي قالتلي أخوك عبد العزيز تعبان جدًا، وطلع عنده جلطة والدكتور بتاعه قاله لازم تروح مستشفى عين شمس التخصصي بسرعة، لأن الدكتور ده في مستشفى عين شمس التخصصي وكمان عشان الدكتور ده عامله قسطرة قبل كده، والدكتور ده قالهم إن أنا هكلمهم هناك عشان يستنوه ده السبب.

س: ما التصرف الذي بدر منك عقب ذلك؟
ج: أنا كنت في الاستديو بتاعي بعمل شوية تشطيبات، وكان معايا بعض الزملاء، وجالي الخير فطلعت أنا والناس اللي كان معانا على المستشفى على طول مفزوعين، وعديت على صيدلية جبت منها حقنة لإذابة الجلطة لاحتمال احتياجها.

س: متى وصلت إلى مستشفى عين شمس التخصصي؟
ج: أنا وصلت المستشفى يوم 20 أغسطس 2024، الساعة الخامسة صباحًا.

س: من كان رفقتك آنذاك؟
ج: كان معايا إبراهيم عبد الحميد وأحمد أيوب عبد الغفور والفنان أحمد جوهر وطارق أحمد مدير أعمالي، وواحد اسمه أيمن.

س: هل من ثمة حوار دار بينك وبين الطبيب المعالج لشقيقك بمستشفى عين شمس التخصصي؟
ج: أيوه.

س: ما مضمون هذا الحوار؟
ج: أجاب محمد فؤاد ردًا على النيابة العامة في واقعة الطبيب وقال:
أنا بعد ما كنت سلمت عليه ودار بيني وبين الممرضات اللي قولت عليه رجعت للدكتور ثاني علشان أطمن منه على الحالة باعتباره هو اللي فحصها وهو أدرى من التمريض، فندهت على الدكتور قولتله يا دكتور، مردش علیا، ندیت مرة ثانية يا دكتور، برضه مردش عليا، فقولتله يا دكترة بأسلوب مداعبة شوية عشان بس يرد عليا لأن أنا كنت ملاحظ إنه تقريبًا حد مصحيه من النوم فمردش عليا للمرة الثالثة، فقولتله شكلهم مصحيينك من النوم علشان كانت الساعة 4 الفجر، فساعتها لقيته رمى الورق والقلم على الأكونتر اللي قدامه، وبعلو صوته قال هات الأمن يطلع ده بره فكان معايا في الوقت ده قرايبي حواليا والناس اللي كانت معايا اللي قولت عليهم من شويه، وقالولوا انت ازاي تتكلم معانا بالطريقة دي فهو بصلي وقالي إنت فاكر نفسك إيه؟.

وأضاف محمد فؤاد في اعترافاته أمام رجال التحقيق: أنا في الوقت ده كنت بقوله إنت مين أنا لازم أعرف إنت مين عشان تعامل الناس بالشكل ده، وفي الوقت ده الأمن دخل بيني وبينه، وهو لقيته رجع لورا وراح ضارب برجله فيا بس أنا تفاديتها ومجتش فيا، وفي الوقت ده حصل هرج ومرج بينا وبين الأمن هناك، واحنا عشان خايفين على أخويا عبد العزيز خدناه وطلعنا بيه على مستشفى مبرة، وعمل دعامات وطلع امبارح الموافق 24 أغسطس 2024.

وقدم الفنان محمد فؤاد شهادة طبية صادر من مستشفى مبرة مصر القديمة بتاريخ 20 أغسطس 2024، مفاده أنه حضر المريض إلى قسم الطوارئ حوالي السادسة صباحًا بأنه يعاني من الألم بالصدر ومن جلطة نافذة بالقلب، وتم حجزه برعاية القلب وتم عمل قسطرة للشرايين التاجية على وجه السرعة.