حورية فرغلي تكشف تفاصيل أعمالها الفنية المقبلة

الأربعاء 18/ديسمبر/2024 – 08:36 ص

كشفت الفنانة حورية فرغلي، عن تفاصيل أعمالها الفنية المقبلة، حيث كان آخر عمل لها في مسلسل الأيام 2 الذي عرض عام 2022.

وقالت حورية فرغلي، في لقائها مع القاهرة 24، عن سبب غيابها عن الساحة الفنية: أنا لو جالي حاجة حلوة وعايزنّي فيها أكيد هعملها، ولكن لو مجاليش حاجة هقعد في البيت، ولكن متعرضش عليا حاجة تخليني أوافق، عندي مسلسل 15 حلقة، وعندي فيلم فاضله يوم وينتهي تصويره، ولسه مش عارفة إمتى هيتم عرضهم.

حورية فرغلي: حساباتي على السوشيال ميديا مسروقة من 4 سنين

كما علقت حورية فرغلي، على الجدل المثار مؤخرًا حول ما يتم نشره عبر حساباتها الشخصية بمواقع التواصل الاجتماعي، قائلة: مش أنا اللي بكتب على السوشيال ميديا، الناس دي سارقة صفحاتي بقالهم 4 سنين، وأنا بقالي 4 سنين مكتبتش أي حاجة على الميديا ولا بشوف أي حاجة بتتكتب، وأنا رفعت قضية.

حورية فرغلي: أخيرًا بقيت اتنفس

وفي ناحية أخرى، تحدثت حورية فرغلي، عن العملية الجراحية الأخيرة التي خضعت لها بالأنف، قائلة: أكتر حاجة مبسوطة بيها إن العملية الأخيرة في مناخيري نجحت وبقيت أشم وأستطعم الأكل، بقيت أتنفس من مناخيري.

أما عن تساؤولات الجمهور حول زواجها، فعلقت حورية فرغلي: موضوع جوازي ده لما يأذن ربنا ويبعت، لغاية دلوقتي مفيش.