شكرا على متابعتكم خبر عن راضي عن تعبي ودايما سايب بصمة
الأربعاء 04/ديسمبر/2024 – 02:58 م
علق أحمد عيد عبد الملك المدير الفني السابق لنادي غزل المحلة، على رحيله عن النادي بعد الخسارة أمام الزمالك برباعية في الدوري الممتاز.
تصريحات أحمد عيد عبد الملك
وقال أحمد عيد عبد الملك عبر حسابه على موقع التواصل الاجتماعي فيسبوك: الحمد لله اشتغلت مدير فني من 2019 بعد ما اعتزلت كلاعب في نفس الموسم بداية من نادي جولدي ونجوم المستقبل والشمس وبني عبيد والنجوم ولاڤيبنا وأخيرا غزل المحلة بالترتيب كده.
وأضاف أحمد عيد عبد الملك: أولا الحمد لله مفيش مرة خرجت من التجربة مكنتش راضي عن نفسي وشغلي وتعبي ومجهودي مع الفريق اللي بدّيله 100% مع جهازي المعاون اللي مساعدني، كل واحد في دوره طبعا ومخلصين لأعلى درجة، والحمد لله سايبين في كل مكان اشتغلنا فيه بصمة، وحتى لو فيه اختلاف في وجهات النظر مع البعض بيبقى الخروج من المكان بكل احترام.
وأكمل عبد الملك: ثانيا اللي طلعت بيه من كل ده في 5 سنين إن التواصل مع لاعيبتي اللي دربتهم ممكن يوصل لـ90% إن مكانش 100% وكمان اللي مكانوش بيلعبوا بشكل أساسي أو اللي مبيلعبوش خالص معايا في المباريات دول يمكن أكتر الناس اللي عندي تواصل معاهم، بالإضافة للمسؤولين في كل الأندية بتجمعني بيهم علاقة طيبة.
واختتم أحمد عيد عبد الملك: ودي حاجة والله بفتخر بيها جدا في شغلي وبتسببلي سعادة كبيرة جدا أكتر من أي حاجة تانية إني افضل متواصل مع الكل والحب والسيرة الطيبة دايما موجودة بينا، وشكرا لأي حد بيدعمنا وبيقول في حقنا كلام كويس وحاسس بتعبنا، استراحة محاربين ولنا عودة قريبا جدا إن شاء الله.
