رميت أجزاء منها في الزبالة ولما تعبت قولت أكمل تاني يوم |خاص

السبت 30/نوفمبر/2024 – 07:10 ص

كشفت التحقيقات في قضية مقتل سيدة النهضة على يد جارها بسبب خلافات جيرة عن تفاصيل إنهاء المتهم لحياتها عن طريق كتم أنفاسها، وتقطيع جثمانها من أجل توزيعها على صناديق القمامة لإخفاء آثار جريمته، ولكن رائحة أجزاء من جثمان الضحية هي من فضحت سره وكشفت عن جريمته.

اعترافات المتهم بإنهاء حياة سيدة النهضة

وحصل القاهرة 24 على التحقيقات في قضية مقتل سيدة النهضة على يد جارها والتي جاءت كالآتي:-
س: ما تفصيلات حول الواقعة؟
ج: اللي حصل أنها يوم الواقعة جاتني في مره قالتلي أنا عاوزاك تشهد شهادة معايا إن الناس بتسرقني وتتحرش بيا وأنا مرضتش ففضلت تزعق معايا وتقولي ماشي وأنت حر، وبعد كده يوم الحادثة بقى الصبح وأنا في الشقة لقيت خبطة خفيفة على الباب فتحت لقيتها هي دخلت وقفلت الباب وراها قالتلي أنت متحرشتش قبل كده بحريم قولتلها إيه اللي بتقوليه ده قالتلي هو كده وفضلت وهتيجي تشهد معايا غصب عنك، قومت ضاربها بالقلم على وشها، فضلت تصوت تصوت بصوت عالي وسعتها قولت لازم أخلص منها وأخلص البلوك كله منها.

وأكمل: فضلت كاتم صوتها عشان محدش يسمع وقولت أنا هنتقم منها وفضلت كاتم نفسها لحد ما ماتت خالص، واتأكدت إنها ماتت وحطيت رأسي على صدرها وتأكدت إنها ماتت، وبعد ما ماتت قولت أنا هعمل إيه دلوقتي لو الناس دخلت أو شافتها كده هتقول إيه وممكن يقولوا إن عملتلها حاجة ولا اتحرشت بيها والصويت كان من عندي، فقولت هقطعها ولا من شاف ولا من دري أنا هخلص منها وأخلص الناس كلها منها.

س: وماذا كان سلوكك عقب أن انتهيت من تقطيعها؟
ج: انا مسكت السكينة وفي الدراعات من عند الكفين شيلت اللحم بتاع الدراع واحد بس مش فاكر يمين ولا شمال وحطيته في كيس وفضل العضم حطيته في كيس وحطيت الرأس في كيس ابيض بلاستيك ومعاها الكفين وحطيت الرجلين والذراع التاني السليم اللي ما تسلش منه اللحم في شيكاره ولفيتهم وحطيتهم في الثلاجة مع الرأس والكتفين والجزء اللي في النص بتاع الجسم قطعت الصدر اليمين والشمال وكل حاجة حطيتها في الشقة ولفيتهم في قلب ملايه وكل الحاجات دي رميتها ما عدا الكيس اللي فيه الرأس.

س: ولماذا ألقيت بعظام جسد المجني عليها؟
ج: عشان محدش يعرف عملت حاجة اصلا

س: وماذا بشأن باقي الجسد؟
ج: انا ملحقتش ارميهم

س: وما الذي صدر عن ذلك؟ 
ج: انا نزلت من البيت وبدأت ارمي في الحاجات الساعة 12 بالليل ورجعت تقريبا الساعة 1:30 أو الساعة 2 بالليل وقولت بكرة الصبح هكمل عشان تعبت.