سابني وراح لأبوة.. طليقة الشيف الشربيني تحرر محضر اثبات حالة ضد نجلها

الأربعاء 25/ديسمبر/2024 – 06:21 م

حررت طليقة الشيف الشربيني محضرا بقسم شرطة الشيخ زايد لإثبات حالة ترك نجلها الأصغر المنزل والذهاب لوالده بدون علمها وذلك بعد أزمة إتهام نجلها الأكبر في حادث دهس عامل دليفري والتسبب في وفاته.

أزمة نجل طليقة الشيف الشربيني 

وفي وقت سابق، قررت جهات التحقيق تحديد جلسة 26 ديسمبر الجاري لمحاكمة نجل طليقة الشيف الشربيني، على خلفية اتهامه بدهس عامل دليفري بالشيخ زايد. 

وكشفت التحقيقات في القضية رقم 1268 لسنة 2024 جنح أول الشيخ زايد، والمتهم فيها نجل طليقة الشيف الشربيني بدهس عامل دليفري متسببا في وفاته على طريق الشيخ زايد بالجيزة.

اعترافات نجل طليقة الشيف الشربيني في واقعة دهس عامل دليفري

وحصل القاهرة 24 على التحقيقات في واقعة دهس عامل دليفري على يد نجل طليقة الشيف الشربيني بالشيخ زايد مما تسبب في وفاته.

وقال نجل طليقة الشيف الشربيني أمام جهات التحقيق عند استجوابه عن معلوماته بشأن الواقعة محل التحقيق: اللي حصل إني كنت خارج مع صحابي، ولما رجعنا على البيت واحد منهم روح، وأنا قلت لأخويا الصغير عمر يجيب مفتاح العربية الرانج من المكتب، وفعلا هو جابه وبعد كده خدت العربية، وروحت قابلت واحد صاحبي عند جولف سنترال، ولفينا مع بعض شوية، وبعد كده رجعته تاني على البيت وروحت وصلت واحد صاحبي.

وأضاف نجل طليقة الشيف شربيني: بعد كده فضل معايا واحد صاحبي، وکنا رايحين السوبر ماركت أجيب شوية حاجات من هناك وعمر صاحبي يطلب أوبر ويروح، وأنا ماشي في شارع البستان لقيت حد راكب موتوسيكل بيلف على الواسع ولقيته قدامي مرة واحدة، وأنا حاولت أخد یمیني علشان أفادیه بس معرفتش، ودخل في الرفرف اللي قدام شمال وأنا اتخضيت.

نجل طليقة الشيف الشربيني: لما الناس اتلمت عليا أنا مشيت من المكان بسرعة

وأكمل نجل طليقة الشيف شربيني: حاولت أوقف العربية بس هي فضلت ماشية، وبعد كده وقفت ولقيتها بطلع دخان من كل حته والجنط  مكسور، والناس بدأت تتلم علينا، فأنا خفت وروحت ماشي من المكان بسرعة وروحت على السوبر ماركت، وبعديها روحت على بيت خالتي وكلمت والدتي وقولت ليها اللي حصل، وبعد كده لقيت ماما والسواق جولي على هناك وقالتلي إني لازم أروح أسلم نفسي فأنا روحت معاها وقابلت الشيف شربيني جوز ماما، وخدني وروحنا على القسم وفضلت هناك.