شابان ينهيان حياة صديقهما بالهرم.. ووالدة المجني عليه: سرقوا مني فرحة البيت

الإثنين 06/يناير/2025 – 10:22 م

أقدم شابان على إنهاء حياة صديقمها بمنطقة فيصل بحي الهرم في الجيزة، بسبب خلافات مالية نشبت بينهما، مستخدمين سلاح أبيض وعصا خشبية شومة.

شابان ينهيان حياة صديقمها بالهرم

وقالت والدة المجني عليه لـ القاهرة 24، إن المتهمين يعملان في أحد محلات الحلاقة، زعما وجود خلافات مالية مع نجلها، وتمكنا من استدراجه عقب صلاة العشاء، وتعديا عليه بسلاح أبيض حتى أجهزا عليه.

وألقى رجال المباحث بقسم شرطة الهرم القبض على المتهمين، وجرى اقتيادهما لقسم شرطة الهرم، واعترفا بجريمتهما، وبعرضهما على النيابة العامة قررت حبسهما على ذمة التحقيقات.

 من ناحية أخرى، في واقعة شهدتها منطقة بولاق الدكرور، أقدمت سيدة مسنة على طعن ابنها بسكين إثر خلافات عائلية حادة بسبب إدمانه المخدرات.

سبعينية تطعن ابنها لمنعه من تعاطي المخدرات

وحصل القاهرة 24 على أقوال السيدة والدة المجني عليه وجاءت كالتالي: أنا عندي 3 بنات و4 أولاد ومن وقت ما زوجي توفي وأنا بجري عليهم لحد ما ربنا كرمني وزوجت البنات كلهم وسترتهم لكن الرجالة محدش فيهم اتجوز وبعدين أنا ساكنة في بيت مكون من أربع أدوار أخدته ورث عن والدتي وأولادي الصبيان قاعدين كلهم معايا كل واحد قاعد في شقة لوحدة وواحد منهم عنده ضمور في المخ والعضلات قاعد معايا عشان أرعاه.

وأضافت المتهمة: أنا بشتغل على باب الله أوقات أخدم وانضف في البيوت وربنا بيكرم وعندي ابني المجني عليه ده تاعبني وعاوز ياخد فلوس على طول وقاعد من غير شغل ومبهدلني ومطلع عيني وكل ما أجيب قرش عاوز ياخدة مني وكذا مرة يهيني ويشتمني ويبهدلني وأنا كنت بعدي وبسكت وكذا مرة أروح أعمله محاضر في القسم.

وأكملت السيدة المتهمة: يوم الواقعة حصلت بيني وبين ابنى مشادة كلامية وهو قعد يشتم فيا ويهزقني ووصل بيه الأمر أنه اتهمني في شرفي وكل ده بسبب إن في واحدة ست غلبانة مأجرة شقة في العمارة بتاعتي وأنا قولتله خد إيجار الشقة دي مصاريفك والست اللي مأجرة الشقة عاملة عملية وقالتله أصبر عليا شوية وأنا كمان قولتله أصبر عليها شوية فشتمني وهزقني وقالي أنتي مالك قولتله ده بيتي وعمارتي أنت عاوز أيه منى مش كفاية بديلك إيجار الشقة على الجاهز.