صاحبة المكان كانت بتتفرج وتضحك| فيديو

ادعت سيدة أربعينية مصابة بالشلل رباعي، أنها تعرضت خلال فترة إقامتها في إحدى دور مسنين بمنطقة مصر الجديدة في القاهرة، إلى التحرش على يد شاب يبلغ من العمر 24 عامًا، حيث أنه كان يعمل في خدمتها رغم أنه ليس ممرضًا.

مريضة شلل تروي تفاصيل تعرضها للتحرش في دار مسنين

وقالت السيدة الأربعينية: مكنتش راضية عن الوضع ده في الأول كتير جدًا.. ولو راجعوا الكاميرات هيشوفوا إنه كان بيتعامل معايا بالعنف.. اتعاملت بالأول بعنف وبشدة منه لأني مكنش في بالي إن واحد عنده 24 وأنا عندي 40 سنة.. ولا كان بالنسبة لي إن البني آدم ده يقرب مني.

وزعمت السيدة، أن المسؤولة عن دار المسنين كانت على علم بتعرضها للتحرش على يد هذا الشاب، لافتة إلى أنها كانت تدعي عدم وجود سيدات للعمل في خدمة نزيلات الدار لذلك كانت تستعين بالرجال، رغم كونهم ليسوا بممرضين.

وواصلت: كنت مجبرة أقعد في الدار دي لأنها كانت أرخص تقريبًا 1000 جنيه.. وأنا مريضة عندي نقص هيموجلوبين وقولت أوفر الفلوس دي عشان أعرف آكل بيها.. وصاحبة الدار قالت لي مافيش غير ولاد يغيرولك وابتديت أرضى بالأمر الواقع..

وأوضحت السيدة الأربعينية أن الشاب الذي تحرش بها اطلع على كل تفاصيل جسدها ولم تجد أمامها سوى أن ترضى بالأمر الواقع بسبب ظروفها القاسية، مضيفة: غصب عني لما الولد كان بيقرب مني مكنتش بقدر أتكلم.

واستكملت: الكاميرات لو اتراجعت هتشوفوا وهو بيقعد جنبي على السرير وبيقرب مني.. وصاحبة الدار سمحت له يغيرلي وهو أصلًا مش ممرض.. ولما اتكسفت منه أول مرة طلبت منه يحط الكمامة على عينه ولكنه رفض.. وصاحبة الدار كانت بتشوف ده في الكاميرات وكانت بتتصل بينا وتضحك.