شكرا على متابعتكم خبر عن عضو بالنواب يكشف تفاصيل حدوث مشاجرة بين طلاب الأكاديمية العربية بسبب رفع علم المثلية الجنسية والان مع تفاصيل هذا الخبر الحصري من موقع
الإثنين 16/ديسمبر/2024 – 02:50 م
كشف النائب محمود عصام عضو مجلس النواب، تفاصيل رفع علم المثلية الجنسية داخل الأكاديمية العربية للنقل البحري، قائلا: آخر حاجة كنت أتخيلها أن طلاب في أكاديمية علمية مرموقة في الإسكندرية يرفعوا علم “الشواذ” ويعملوا مظاهرة عشان حقوق الفئة دى داخل الأكاديمية.
وأضاف النائب عبر صفحته الرسمية على فيسبوك: والحقيقة كان واضح جدا أن إدارة الأكاديمية كانت حريصة على أن الموضوع يتم التعامل معاه بشكل لائق، لكن للأسف كان فيه استفزاز واضح من المجموعة دي، مشيرًا إلى اشتباك باقي طلاب الأكاديمية مع هؤلاء الطلاب، قائلا: وخرج المشهد بالطريقة اللي شفناها في الفيديوهات.
رفع علم المثلية الجنسية داخل إحدى الجامعات
وأردف النائب: الشيء اللي يحزن فعلا هو التقليد الأعمى لأي حاجة بتحصل فى الغرب دون إدراك لطبيعة المجتمع وقيمه وتقاليده وتعاليمه الدينية سواء الإسلام أو المسيحية اللى بتحرم النوع ده من الممارسات المصادمة للفطرة السوية للإنسان.
أضاف النائب: اللي أنا أفهمه أن الطالب لو عايز يناضل يشوف مجتمعه محتاج إيه ويطالب بيه، والحقيقة مجتمعنا بيعاني من مشاكل كتير جدا على كل المستويات، ومش محتاجين أبدًا إننا نستورد هموم من الغرب مش هتفيدنا في حاجة ونتظاهر عشانها.
اختتم النائب قائلا: أتمنى أن يتم احتواء المجموعة دي من الطلاب وتوعيتهم وتوعية ولادنا كلهم بشكل صحيح عن الكوارث الأخلاقية اللي بتحصلنا كل يوم بسبب التقليد الأعمى للغرب وبعدنا عن قيمنا وديننا.
