عملي في الفن بسبب موهبتي

الخميس 19/ديسمبر/2024 – 08:23 ص

علقت إيمي ابنة الفنان طلعت زكريا، على الشائعات التي انتشرت في بداية دخولها مجال الفن، بأنها دخلت المجال عن طريق الواسطة، مؤكدة أنها تعمل في المجال بسبب حبها للمهنة ولولا موهبتها لما استمرت حتى الآن.

وردًا على أقاويل بشأن عملها بالفن بالواسطة، قالت إيمي طلعت زكريا في تصريحات لـ القاهرة 24: لو كنت بشتغل بالواسطة كنت اشتغلت مع والدي وقتها وأنا اشتغلت أكتر بعد ما مات أساسًا، وأنا بحب المهنة وأن أقدم أعمال مؤثرة، وبرفض شغل كتير عشان مش بيليق بيا وباسم والدي.

تصريحات إيمي طلعت زكريا

وفي سياق مختلف سبق، وأثارت إيمي طلعت زكريا، جدلًا واسعًا بعد تصريحاتها بشأن معاناتها من الحسد والجن العاشق ووقف مشاريعها الفنية وكذلك الارتباط والزواج، واستعانتها بالعديد من المشايخ وصولًا إلى أمين الفتوى بالأزهر الشريف.

وقالت إيمي طلعت زكريا في تصريحات لـ القاهرة 24: بمناسبة كلامي عن الجن العاشق والحسد، كنت بوعي البنات ولكن أنا كويسة مفيش أي حاجة، بصلي وبعمل عمرة وعارفة ربنا، ومش مؤمنة بالجن العاشق أو المس.

وأضافت إيمي طلعت زكريا: أنا شايفة بنات كتير بتفكر في موضوع جوازي اتأخر بسبب إني معمولي عمل، أنا مش مؤمنة بكده ولكن أنا حبيت أوجه رسالة للبنات اللي بتغني في الحمام وتقف أمام المرآة عشان يخافوا شوية، ولكن الموضوع عندي ملوش أساس من الصحة.

واستكملت إيمي طلعت زكريا: هتجوز قريب ومفيش حاجة تعطل، وبقول للبنات مش عايزاكم تنساقوا وراء الكلام ده وتاخدوه على أنه حقيقي، لأن ده مش حقيقي، طبيعي بحلم زي أي بنت لسه متجوزتش، لكن أنا كويسة ومفيش أي حاجة.