عميل يزعم انفجار بوتاجاز من منتجات يونيون إير| بث مباشر

تقدم عميل بشكوى ضد شركة يونيون إير، بسبب سوء بعض منتجات الشركة المعروضة بالسوق المصرية، زاعمًا حدوث كارثة تسببت في إحداث حريق هائل بسبب بوتاجاز يونيون إير.

منتجات يونيون إير

وحذر العميل من بوتاجاز بلت إن وفرن بلت إن، إذ ادعى حدوث انفجار في البوتاجاز بشكل مفاجئ، وسط محاولات العميل في التواصل مع الشركة لإيجاد حلول نهائية للمنتج.

وأضاف قائلا: للأسف الشديد أنا اشتريت بوتاجاز بلت إن، وفرن بلت إن من شركة يونيون إير، ويا رتني ما اشتريت، لأنه مع بداية تشغيل الفرن لمدة 4 أيام شاشة التاتش فصلت والفرن أصبح يفصل لوحده وهو شغال.

وتابع: عملت طلب صيانة وحضروا غيروا الشاشة وهو أسبوع واحد والشاشة فصلت تاني،  كلمتهم تاني وقولت عايز أغير الفرن؛ لأني دي تاني مرة نفس العيب.. وتواصلت معايا إدارة يونيون إير، وبأسلوب لا يوجد به احترافية نهائيًا، إنهم هيصلحوا مش هيغيروا ولما صممت على التغير، سبوني شهر وردهم كان في قلة الذوق، إحنا هنعملك إيه.

واختتم حديثه: علشان الزنقة، اضطرت إني أوافق على الإصلاح وتم تغيير الشاشة لثالث مرة، وبعد الإصلاح بأسبوعين عادت الشاشة للفصل مرة تانية على فترات، وما زاد المأساة إن البوتاجاز البلت إن اللي من عندهم وكان زجاج.