شكرا على متابعتكم خبر عن فرد أمن معهد الأورام ضرب زوجي ومنعنا من جلسة الكيماوي |انفراد والان مع تفاصيل هذا الخبر الحصري من موقع
الأحد 15/ديسمبر/2024 – 06:10 م
كشفت التحقيقات في قضية وفاة الفنان تامر ضيائي، تفاصيل شجاره داخل المعهد القومي للأورام، مع فرد أمن بالمعهد القومي للأورام، والتي على إثرها حدثت الوفاة في يوليو 2024.
تحقيقات قضية وفاة الفنان تامر ضيائي
وحصل القاهرة 24، على نص تحقيقات القضية وجاءت أقوال زوجة الفنان تامر ضيائي كالآتي: اللي حصل إننا رحنا المستشفى وقعدنا استنينا دورنا وبعدين الأمن مرضيش يدخلنا، وجوزى قاله دوري دلوقتي، راح الأمن قاله استنى لما الناس اللى جوه تخرج.
وأضافت: فرد الأمن قالنا امشو من هنا وكان بيتكلم معانا بطريقة وحشة ولقيناه بيعلي صوته ومصمم يمشينا، فحصلت مشادة وفى فرد أمن آخر جه وقال احنا ممكن منخليكوش تدخلوا وواحد من الأمن ضرب جوزى.
وتابعت: الناس قعدت تحوش بين زوجي وفرد الأمن، والناس خدت فرد الأمن لبعيد شوية وفيه ناس تانية جت بتسند جوزي ویودوه بعید، راح جوزى وقع على الأرض والناس جابت كرسي بعجل وطلعنا بيه على الرعاية وحطوه على جهاز النبض ولكنه توفي.
وأوضحت: الناس قالتلي متقلقيش وطلعوني بره الرعاية، هو كان عنده الضغط والقلب ولسه عامل دعامة من حوالي 3 أشهر، وعرفت بعدها إن زوجي توفي واتصلت بابني، وكانوا عايزين يمشوني من المستشفى وفضلت قاعدة فيها.
