كانت لحظة استثنائية.. وبحبهم زي ولادي| بث مباشر

أعربت الدكتورة بسمات شمس، أستاذة تدريب الكاراتيه في كلية التربية الرياضية بجامعة المنيا، عن سعادتها الكبيرة بعد تكريم الطلاب لها على طريقتهم الخاصة، إذ حملوها على كرسي على أكتافهم في أثناء جلوسها عليه، حيث انتشر مقطع الفيديو عبر صفحات التواصل الاجتماعي وسط إعجاب المتابعين به.

طلاب تربية رياضية بالمنيا يحملون أستاذة جامعية على الكرسي لتكريمها

وقالت الدكتورة بسمات شمس: أنا معرفش هما رتبوا اللي عملوه ده إزاي ولا جابوا الكرسي اللي شالوني بيه ده منين.. أقصى حاجة فكرت فيها إني هقعد على الكرسي وهما هيقفوا حواليا ونتصور كلنا.. لكن عمري ما خطر في بالي إنهم يعملوا كده.

وأضافت الدكتورة بسمات شمس أنها على ثقة تمامًا أن الطلاب شعروا بالحب الذي تحمله بداخلها لهم، قائلة: هما متأكدين إني بحبهم ومهما كنت قاسية معاهم أو بضغط عليهم فـ ده لمصلحتهم زي ما بعمل ما ابني في البيت.. يعني بعمل معاهم كده عشان يطلعوا أحسن ما عندهم.

كما أوضحت الدكتورة بسمات أنه فور حمل الطلاب لها على أكتافهم أثناء جلوسها على الكرسي كانت بمثابة لحظة استثنائية لها، إذ شعرت أنها رسالة من الله بأن هؤلاء الطلاب يقدرون مدى حبها لهم.

واختتمت الدكتورة بسمات شمس: متوقعتش أبدًا ردود الأفعال على الفيديو لما انتشر ونزل في الأول على التيك توك.. وكل الناس كانوا بيكملوني عشان يقولوا لي ولما دخلت قرأت التعليقات لقيتها كلها إيجابية الحمد لله.