شكرا على متابعتكم خبر عن للأسف نجاح الأفلام بالإيرادات.. وليلى علوي نجمة كبيرة والان مع تفاصيل هذا الخبر الحصري من موقع
الجمعة 10/يناير/2025 – 11:50 ص
أعرب الفنان بيومي فؤاد عن امتنانه لتعاونه مع الفنانة ليلى علوي، في عدد من الأفلام والمسرحيات وآخرها فيلم المستريحة، الذي يعرض حاليًا بالسينمات، بجانب تعليقه على إيرادات الأفلام.
وقال بيومي فؤاد في تصريحات تليفزيونية: ليلى علوي نجمة كبيرة على جميع المستويات، على الإنساني والفني والذوق والحب، الواحد ما بيصدق يبقى مرتاح، وهو شغال مع نجم كبير، وأنا وهي حريصين جدًا إن الناس اللي حبتنا ووثقت فينا منخذلهمش في يوم، وبندور على الجديد، يعني فيلم ماما حامل لما نجح معملناش له جزء ثاني، ولكن عملنا فيلم شوجر دادي علشان تبقى حدوتة مختلفة، لغاية ما عملنا فيلم المستريحة.
وأضاف بيومي فؤاد: أنا وليلى علوي بنعمل مسرح مع بعض غير السينما، وعمرها ما اتناقشت في ممثل هيشتغل رغم إنها متابعة جيدة جدًا، ممكن تبقى مستغلسة حد ولكن عمرها ما اتناقشت، وهي من النوع اللي بيتخض لو حد قرب منها شوية، وهي رقيقة اسمًا وصفة وبتتكسف تناقش المخرج في إنها مش هتقدر تعمل حاجة معينة.
بيومي فؤاد: أفلام كتير بنقول عليها كويسة ومبتحققش إيرادات
أما عن إيرادات الأفلام، فعلق بيومي فؤاد قائلا: للأسف نجاح الفيلم من الإيرادات، ونجاح المسلسل معدل المشاهدة، والمسرح بناخد نجاحه وإحنا واقفين، وأفلام كتير بنقول عليها كويسة جدًا ومحققتش نجاح في الشباك، وده بيحصل في كل السينما العالمية.
