لميس الحديدي لـ رئيس الوزارء بعد تصريحات زيادة الدولار: بعد كل ده مش عاوزنا نتخض؟!

وجهت الإعلامية لميس الحديدي تعليقا مثيرا على تصريحات الدكتور مصطفى مدبولي رئيس الوزراء بشأن ارتفاع سعر الدولار في مصر خلال الفترة الأخيرة، وربطها بانتهاء الانتخابات الرئاسية الأمريكية.

وقالت الحديدي عبر حسابها على منصة «إكس»: «بعيدًا عن نظرية علاقة اقتصادنا بالانتخابات الأمريكية البعيدة جدًا.. الحقيقة ان كلنا عاوزين (طاسة) الخضة القديمة بعد ما لامس الدولار الخمسين جنيه ولا نعلم إلى أين!».

وأضافت: «كلنا مخضوضين.. بدءًا من المستثمر الأجنبي اللي عاوز يفهم الدولار رايح فين، والمستثمر المصرى اللي مش عارف يحسب التكلفة، وصولًا إلى وزير المالية اللى المفروض يبقى مفزوع لأن عليه التزامات وديون وسلع أساسية وبترول بالدولار».

منشور لميس الحديدي

وتابعت الحديدي: «آخر حاجة بقى المواطن.. ده بقى عدّى مرحلة الخضة من كتر اللي شافه.. لأنك عارف طبعا يا دكتور إننا دولة مستوردة تقريبًا لكل حاجة حتى البيض.. يعنى كل زيادة في الدولار هي زيادة في الأسعار وأي انخفاض فيه لا يعني أبدا خفض للأسعار.. وبعد كل ده قولِّي مش عاوزنا نتخض؟، طب إزاي؟».