الخميس 28/نوفمبر/2024 – 11:54 م
وجه عدلي القيعي رئيس شركة الكرة السابق بالنادي الأهلي، رسالة إلى إمام عاشور، بعد العقوبة التي أعلنها الموقع الرسمي للنادي الأهلي في حق اللاعب.
عدلي القيعي لـ إمام عاشور: متسمعش للي عايز يخلص عليك
قال القيعي في تصريحات تليفزيونية، يا كابتن إمام مؤكد إنك لاعيب عندك إمكانيات كبير بس أنت مش أحسن حاجة في الدنيا لسه، تقدر تكون أحسن حاجة آه، أنت ماكنتش وأنت في الزمالك أحسن لاعيب في مصر بس كنت لاعيب واعد جدا، وأنت عندي لاعيب مهم زي زمايلك الكبار اللي حوليك”.
وأردف عدلي القيعي: لما واحد يلعب ويتم الإشادة بيه أنت ما تزعلشي لما يجي دورك دوس علشان ترجع وتلعب وتريح زميلك ونستفيد منك ومنه، أنا عارف أنك إنسان معدنه كويس، طلع اللي بيلعب في ودنك ده ودوس عليه لأنه حشرة هتخرملك طبلة ودنك لأنه مش عايز مصلحتك، ده عايوز يخلص عليك ويهز استقرار الفريق.
واختتم مدير شركة الكرة السابق، حبوا الأهلي كما وجدتموه وجدناه منظم ومافيش حد أهم من الكيان، العمل الجماعي أهم من الفردي وكل اللاعيبة اللي بيجيبها الأهلي نجوم.
