متشتمنيش بأمي.. أقوال فرد أمن مستشفى عين شمس في قضية مشاجرة محمد فؤاد وطبيب بالمستشفى

الجمعة 13/ديسمبر/2024 – 01:36 م

يستكمل القاهرة 24 نشر التحقيقات في قضية مشاجرة مستشفى عين شمس، بين الفنان محمد فؤاد، والطبيب مصطفى. أ، التي تعود إلى 20 أغسطس الماضي.

مشاجرة محمد فؤاد وطبيب المستشفى عين شمس

وجاءت أقوال فرد الأمن بمستشفى عين شمس كالآتي: اسمي توفيق.ع، عندي 26 سنة وأعمل فرد أمن بمستشفى عين شمس التخصصي.

وأضاف: اللي حصل إن أنا شغال فرد أمن في مستشفى عين شمس التخصصي، وأنا أتولى الأمن على بوابة الطوارئ ودوري أن أمنع دخول الأهالي بكثرة مع المريض علشان التزاحم، بحيث إن اللي يخش مع المريض واحد أو اتنين.

وأردف: والنهارده 5 الصبح كان فيه مريض جاي ومعاه واحدة تاني وشاب صغير، ودخلوا الاستقبال وبعد كدة كنت واقف على الباب بمارس عملي ولقيت الفنان محمد فؤاد داخل عليا بيقول أنا داخل تبع حالة مريض تعبان بقلبه جوه، فقولتله اتفضل ودخل لواحدة وبعد شوية سمعت صوت عالي جوه.

واستطرد فرد الأمن: دخلت أشوف في ايه لقيت الفنان محمد فؤاد واقف قدام المكتب بتاع الاستقبال وفيه فرد أمن واقف قدامه والدكتور مصطفى.ا، واقف ورا فرد الأمن والدكتور ده كان بيقول للفنان محمد فؤاد متشتمنيش بأمي، وسمعت الفنان محمد فؤاد بيقول للدكتور أنت متعرفش، أنا مين ولقيت الفنان محمد فواد بيطلع التلفون من جيبه عشان يصور الدكتور؛ روحت واقف قصاده وحطيت إيدي على كاميرا التليفون والدنيا هديت شوية.

وأكمل: وبعد كدة الدكتور مصطفى سحب التليفون من الفنان محمد فؤاد وقاله انت مينفعش تصور في المستشفى، والدكتور أدى التليفون لحد من العمال والعامل ده أدى التليفون للفنان ثاني.

وأوضح فرد الأمن: وفي الوقت ده دخل ناس كانوا مع الفنان محمد فؤاد وكانوا بيعلوا صوتهم وعايزين يوصلوا للدكتور بالعافية، لكن أفراد الأمن دخلوا الدكتور وحطوه في إحدى الغرف الموجودة في الاستقبال، وكان الناس اللي كانت مع الفنان محمد فؤاد حوالي سبعة.