مش معايا رخصة.. وحاولت تفادي المجني عليه| خاص

السبت 30/نوفمبر/2024 – 10:14 م

كشفت التحقيقات في القضية رقم 1268 لسنة 2024 جنح أول الشيخ زايد، والمتهم فيها نجل زوجة الشيف الشربيني بدهس عامل دليفري متسببا في وفاته على طريق الشيخ زايد بالجيزة.

اعترافات نجل زوجة الشيف الشربيني عن واقعة دهس نجل زوجته لعامل دليفري

وحصل القاهرة 24 على التحقيقات في واقعة  دهس عامل دليفري علي يد نجل زوجة الشيف الشربيني في قضية دهس نجل زوجته لعامل دليفري بالشيخ زايد، ما تسبب في وفاته.

وقال نجل زوجة  الشيف الشربيني أمام جهات التحقيق عند استجوابه عن معلوماته بشأن الواقعة محل التحقيق: اللي حصل إني امبارح كنت خارج مع صحابي، ولما رجعنا على البيت واحد منهم روح، وأنا قلت لأخويا الصغير عمر يجيب مفتاح العربية الرانج من المكتب، وفعلا هو جابه وبعد كده خدت العربية، وروحت قابلت واحد صاحبي وقابلناه عند جولف سنترال، ولفينا مع بعض شوية، وبعد كده رجعته تاني على البيت وروحت وصلت واحد صاحبي.

وأردف نجل زوجة الشيف شربيني: بعد كده فضل معايا واحد صاحبي، وکنا رايحين السوبر ماركت أجيب شوية حاجات من هناك وعمر يطلب أوبر ويروح، وأنا ماشي في شارع البستان لقيت حد راكب موتوسيكل بيلف على الواسع ولقيته قدامي مرة واحدة، وأنا حاولت أخد یمیني علشان أفادیه بس معرفتش، وراح دخل في الرفرف اللي قدام شمال وأنا اتخضيت.

نجل زوجة الشيف الشربيني: لما الناس اتلمت عليا أنا مشيت من المكان بسرعة

وأكمل نجل زوجة الشيف شربيني: حاولت أوقف العربية بس هي فضلت ماشية، وبعد كده وقفت ولقيتها بطلع دخان من كل حته والجنط  مكسور، والناس بدأت تتلم علينا، فأنا خفت وروحت ماشي من المكان بسرعة وروحت على السوبر ماركت، وبعديها روحت على بيت خالتي وكلمت والدتي وقولت ليها اللي حصل، وبعد كده لقيت ماما والسواق جولي على هناك وقالتلي إني لازم أروح أسلم نفسي فأنا روحت معاها وقابلت الشيف شربيني جوز ماما، وخدني وروحنا على القسم وفضلت هناك.

وبسؤال المتهم عن قيادته سيارة دون حصوله على رخصة قيادة؟ أجاب: أنا غلطان؟!