شكرا على متابعتكم خبر عن مصرع شاب دهسًا أسفل عجلات تريلا بالسويس.. ووالده: السواق قسمه نصين وسابه وهرب
لقي شاب يدعى علاء، البالغ من العمر 23 عامًا، مقيم في مدينة المحلة الكبرى التابعة إلى محافظة الغربية، مصرعه دهسًا أسفل عجلات سيارة نقل ثقيل تريلا في محافظة السويس.
مصرع شاب دهسًا أسفل عجلات تريلا بالسويس
وقال والد المجني عليه، إن نجله كان يعمل رفقة سائق سيارة نقل ثقيل، وفي أثناء سيرهما على الطريق بمحافظة السويس ظهر شيء ما أمامهما على الأرض وطلب منه أن ينزل من السيارة حتى يزيحه عن الطريق.
وأضاف: السواق لقى حاجة على الطريق وهما ماشيين وقال لابني ينزل يجيبها.. وابني نزل فعلًا والسواق مشي عادي بالعربية وداس عليه وهرب.
وأوضح والد المجني عليه أنه تلقى مكالمة هاتفية من مالك السيارة الذي أخبره بالحادث ووفاة نجله، وعلى الفور توجه إلى محافظة السويس مسرعًا بعدما تم التحفظ على جثة نجله بأحد المستشفيات.
وواصل: روحت السويس عشان أشوف إيه اللي حصل عرفت إنهم نقلوا جثة ابني المشرحة.. السواق داس عليه وقسموا نصين على الطريق.. أنا حسيت إن أنا اللي مُت مش ابني ومش مصدق اللي حصله.
وأوضح والد المجني عليه أن سائق التريلا أنهى حياة نجله بكل مبالاة وقسوة، حيث دهسه بالسيارة ما أدى ذلك إلى تقطيع جثمانه إلى نصفين، مختتمًا: ابني كان شغال تباع مع السواق ده اللي في الآخر داس عليه بالعربية وسابه وهرب من غير ما يطمن عليه.. ده الواحد لو لقى قطة ميتة على الطريق بيشيلها على جنب ما بالك بقى باللي داس على بني آدم وقسمه نصين.
