شكرا على متابعتكم خبر عن ممارسات كهرباء بأرقام كبيرة وتركيب أعمدة على حسابهم من أجل توصيل العدادات..سكان حوض الـ 18 بالأقصر يتساءلون لماذا نعاقب؟
السبت 04/يناير/2025 – 07:20 ص
مشكلة كبيرة يعاني منها سكان حوض ال18 بمدينة الأقصر، في تركيب عدادت الكهرباء والتي مازالت قائمة دون حل، فالمنطقة تعمل بنظام الممارسات، حتى صدر قرار بضرورة تركيب العدادات الكودية، التي ما إن سارع الأهالي بالتقديم عليها حتى فوجئوا بطلبات تعجيزية من شركة الكهرباء.
سكان حوض الـ 18 بالأقصر يتساءلون لماذا نعاقب؟
وقالت الحاجة تهاني من سكان منطقة حوض الـ 18 للقاهرة 24: شركة الكهرباء بتطلب مننا سكان حوض الـ 18 بتحمل تكلفة تركيب الاعمده والكابلات والأسلاك بمبالغ خيالية للمرافق للمتر الواحد 532 جنيها.
و أوضحت الحاجة تهاني:مين معاه تمن المرافق 532 جنيها للمتر الواحد، احنا سكان الحوض معترضين على تمن المرافق واستحاله ندفع تمن عمود الكهرباء الواحد 32 الف جنيها، وفى ناس محتاجة تركب 4، 5 أعمدة، يعنى ادفع 200 الف جنيها علشان اركب عداد فى أرض قمت بشرائها من سنة 2000، ب70 الف جنيها،
وقالت الحاجة تهاني:مفيش حد فينا موافق أن تمن المتر يبقى اغلى من مدينتى والتجمع الخامس والرحاب وبعدين ايه دخل مركز البياضيه فى حوض ال 18، اللي عايز يركب عداد كودي يروح مجلس المدينه في البياضيه ويدفع رسوم المرافق 532 وربع وبعدين يوريهم صورة الترخيص وصورة الواجهه وصوره البطاقة هياخد جواب يروح بة شركة الكهرباء، علشان يركب عداد كودي ويضيفوا علية كمان ثمن العمدان والكابلات وكل شيء من مستلزمات يكون على حساب اللي ساكن.
واضافت الحاجة تهاني: فضلا عن إجبار المواطنين من سكان حوض ال18 بدفع ممارسات للكهرباء بأرقام خيالية، عن طريق الذهاب لمنازل المواطنين وتصوير الاجهزة الكهربائية بالمنازل، ليفاجأ المواطن بأرقام تتخطى ال7000 جنيها.
أرقام فواتير عالية لممارسات الكهرباء
و أشارت المواطن كالمستجير من الرمضاء باللهب قدم على عداد مطلوب منة أعمدة إنارة وكابلات وأسلاك، مقدمش ممارسات بأرقام فاحشة هتدبحة، الموضوع مطلوبلة حل جذرى وناجع يراعي صالح المواطن وظروفة الإقتصادية اليومين دول.
وقال الحاج محمود شبيب من سكان حوض ال18 للقاهرة 24: بعد ما جائت شركة الكهرباء وقاموا بتصوير منزلي، فوجئت بفاتورة 7 آلاف جنيها كهرباء يجب أن أدفعها، ولا يوجد لدي تكييف، من أين جائوا بهذا الرقم.
