شكرا على متابعتكم خبر عن ممثل مصري أصيل.. ومؤثر بمواقفه
الأربعاء 01/يناير/2025 – 06:12 ص
تحدث المنتج محمد حفظي، عن تعاونه مع الفنان عصام عمر، في فيلم البحث عن منفذ لـ خروج السيد رامبو، وذلك بعد النجاح الكبير الذي حققه العمل بعد عرضه في عدد من المهرجانات الفنية.
المنتج محمد حفظي عن عصام عمر: ممثل مصري أصيل.. ومؤثر بمواقفه
وقال محمد حفظي، في لقائه مع القاهرة 24: عصام عمر ممثل مصري أصيل، عنده مواقف الواحد يفتخر بيها سواء في اختياراته الفنية أو أنه ممثل عنده وعي بـ دوره كـ فنان يقدر يدعم ويفيد ويأثر في الناس إزاي، وهيبقى من النجوم المؤثرين من خلال المواقف اللي بيعبر بيها عن نفسه.
أما عن تجربة فيلم البحث عن منفذ لخروج السيد رامبو، فعلق محمد حفظي: أنا سعيد جدًا إن الفيلم أخيرًا بيوصل للجمهور الأساسي بتاعه الجمهور المصري، سعيد بـ ردود الفعل في المهرجانات اللي عرضنا فيها الفيلم قبل كده، ولكن يهمني جدًا رأي الشارع ورأي الجمهور اللي هيدفع تذكرة، وأتمنى الجمهور ده نقدر نوصله لأنه إحنا في موسم زحمة جدًا ونازل عدد من الأفلام، وفي نفس الوقت فخور باللي صناع الفيلم عملوه وأنا أُعتبر عنصر مُكمل للمشروع، لكن هما شغالين عليه بقالهم سنين، الفيلم ده جالي مشروع كامل مش مجرد ورق.
وتابع: في قلق طبعًا من الإيرادات لأننا في موسم فيه منافسة وفي 3 أفلام نازلين، وكل الأفلام مضيقة على بعض بسبب ظروف تكدس العرض اللي حاصل في الموسم ده بسبب أن شهر رمضان السنة دي جاي بدري شوية، بالتالي كلنا مضطرين ننزل أفلام بدري علشان ناخد فرصة في العرض.
