شكرا على متابعتكم خبر عن مهرجان الأقصر للسينما الإفريقية أهم مهرجان سياحي بمصر
الإثنين 23/ديسمبر/2024 – 03:13 ص
تحدث المنتج والسيناريست محمد العدل عن إقامة الدورة الـ 14 من مهرجان الأقصر للسينما الإفريقية، والتي تتطلق تحت شعار قمر 14، بجانب حديثه عن صعوبة إنتاج الأفلام القصيرة.
وقال محمد العدل في لقائه مع القاهرة 24: أنا جزء من مهرجان الأقصر من 14 سنة لغاية النهاردة، وأنا بشوفه أهم مهرجان في مصر على المستوى السياسي والسياحي، ولأن إفريقيا هي بوابتنا وظهرنا ولازم نبقى مهتمين بيها على قدر الإمكان، وأنا شايف أن مهرجان الأقصر للسينما الإفريقية فتح مجال بشكل كبير.
أما عن صعوبة إنتاج الأفلام القصيرة، أضاف محمد العدل: الفيلم القصير مش سهل إنه يتعمل، لأننا بنوصل فكرة في وقت بسيط زي الطلقة كده، ولازم يكون حد متمكن، وكمان الناس مبيعرفوش إزاي يسوقوا للأفلام دي، والسينما كما يُقال فن وصناعة وتجارة، وجزء التجارة مش مفهوم بالنسبة ليهم على الرغم من أنهم بيبعيوا كويس.
محمد العدل: تكريم الفنانين على حياة عينهم أفضل من تكريمهم بعد وفاتهم
كما تحدث المنتج والسيناريست محمد العدل عن تكريم جمعية المؤلفين والملحنين برئاسة الدكتور مدحت العدل، لـ الملحن الراحل محمد رحيم، قائلا: عجبني تكريم محمد رحيم من جمعية المؤلفين والملحنين، وأنا شايف أن الناس تكرم على حياة عينها أحسن من تكريمها بعد وفاتها، محمد رحيم رحل فجأة وعلشان كده بقول يا ريت كان الفنان يحس بتكريمه وهو عايش من أهله اللي يحس بيه.
