شكرا على متابعتكم خبر عن مي فاروق ترد على منتقدي حفل زفافها: معملتش حاجة غلط.. واللي يهمني أرضي ربنا بالحلال والان مع تفاصيل هذا الخبر الحصري من موقع
ردت الفنانة مي فاروق على الانتقادات التي وجهت لها عقب حفل زفافها على الفنان محمد العمروسي، والذي أُقيم يوم الخميس الماضي، بحضور عدد كبير من نجوم ومشاهير الوسط الفني.
مي فاروق ترد على انتقادات زواجها
وقالت مي فاروق عبر مداخلة هاتفية: معملتش حاجة غلط أنا اتجوزت بس والحمد لله اليوم كان حلو وكل الناس اللي كانت موجودة كانت جاية بحب وفرحة.. كل الفنانين والناس وولادي كانوا فرحانين وكان يوم جميل معرفش بعد كده إيه اللي حصل مش فاهمة.
وأضافت مي فاروق: مش بعمل حاجة علشان أرضي الناس وكل اللي يهمني أرضي ربنا بالحلال.. أنا بتجوز قدام الدنيا كلها وطول الوقت بحاول كل حاجة تبقى مظبوطة.. ولما قررت أتجوز كنت عاوزة أفرح وأتبسط.. إيه المشكلة إني أعلنت.. مش فاهمة.
واختتمت الفنانة مي فاروق: كل اللي يهمني أرضي ربنا وأكون أم ولادي يفتخروا بيها طول الوقت وأعمل اللي ربنا قالي عليه في الحلال.. مليش دعوة بالناس بتقول إيه ومعرفش هما بيعملوا كده ليه ولا بيقولوا كده ليه.. بس دي آرائهم وهما أحرار.
وكانت احتفلت الفنانة مي فاروق بحفل زفافها على الفنان محمد العمروسي، يوم الخميس الماضي، في أحد الفنادق الكبرى بمنطقة وسط البلد، بحضور أسر العروسين والأصدقاء ونجوم الفن.
وكان من أبرز الحضور في حفل زفاف مي فاروق ومحمد العمروسي كلا من: الإعلامية بوسي شلبي والإعلامي عمرو الليثي، والفنان مصطفى قمر والفنان يوسف الشريف والمطربة أنوشكا.
