نجل نبيل الحلفاوي خلال تكريم اسم والده بجائزة إنجاز العمر: اللي زيه مبينجحش ولكنه استثنائي

شهدت فعاليات الدورة العاشرة من مهرجان الأفضل لعام 2024، تكريم الفنان الراحل نبيل الحلفاوي بجائزة إنجاز العمر، حيث جاء ذلك عقب رحيله عن عالمنا يوم الأحد الماضي الموافق 15 ديسمبر، بعد صراع مع المرض في أيامه الأخيرة.

تكريم نبيل الحلفاوي في مهرجان الأفضل 2024

وتسلم المخرج وليد الحلفاوي، نجل الفنان نبيل الحلفاوي، جائزة تكريم اسم والده في الدورة العاشرة من مهرجان الأفضل لعام 2024.

وأعرب المخرجان خالد ووليد الحلفاوي، أبناء نبيل الحلفاوي، عن سعادتهما بتكريم اسم والدهما بجائزة إنجاز العمر في مهرجان الأفضل.

وقال وليد الحلفاوي خلال تسلمه الجائزة: إحنا متشكرين جدًا.. إنما إنجاز العمر الحقيقي بالنسبة لوالدي أن الراجل ده عاش عمره كله بيعمل اللي مقتنع بيه من أول بدايته ومرورًا أنه اتأثر بحبه للمسرح وساب التليفزيون والسينما.. وبعدين الظروف بقت أصعب ولكن مش عليه.. وفضل يعمل اللي هو عاوزه وبيخلي باله من بيته وأولاده.

وتابع: الناس كانت بتقوله متعلنش أنك بتشجع فريق معين عشان تكسب الجمهورين ولكنه أعلن وعمل اللي هو عاوزه.. والزملكاوية كانوا بيحبوه.. الغريب أن الناس اللي زيه مبتنجحش ولكن هو كان استثناء.

وطلب خالد الحلفاوي في كلمته خلال تسلم جائزة والده، الدعاء للراحل بالرحمة والمغفرة، قائلًا: أنا مش هتكلم على أستاذ نبيل لأنه مش محتاج عشان سيرته سبقاه.. أنا بس عندي طلب صغير كل ما يجي على بال حد أو تيجي سيرته ندعي له ونقرأ الفاتحة.