نهضة الفن في السعودية لازم تُدرس.. وفخورين إنها بلدنا الثاني

الخميس 05/ديسمبر/2024 – 08:26 م

أعرب المخرج محمد سامي، عن سعادته بحضوره فعاليات الدورة الرابعة من مهرجان البحر الأحمر السينمائي الدولي، الذي انطلق افتتاحه اليوم في مدينة جدة بالمملكة العربية السعودية، بجانب حديثه عن مسلسله الجديد إش إش، الذي سيخوض به السباق الرمضاني المقبل 2025.

وقال محمد سامي، في تصريحاته على هامش افتتاح مهرجان البحر الأحمر السينمائي: اللي بيحصل في السعودية من نهضة في الفن محدش كان متوقع إنه هيحصل، كان محتاج 100 سنة علشان يحصل ولكنه حصل في سنوات قليلة، تجربة لازم تُدرس وكلنا فخورين إن السعودية بلدنا الثاني.

وعن مسلسله إش إش، بطولة زوجته الفنانة مي عمر، علق محمد سامي: أنا بقول لـ مي والجمهور وشركة الإنتاج إن مسلسل إش إش هيكون أحلى مسلسل عملته لغاية دلوقتي، وأنا كنت عايز أتفوق فيه على نفسي، والممثلين من أول مي لـ كل زملائنا تفوقوا على نفسهم، الإسكريبت كان حلو جدًا وهو تجربة مختلفة ولو وصل للجمهور بالطريقة اللي عشناها بيها وحبيناه بيها الجمهور هيحبه ويتفاعل معاه أوي.

مي عمر: اتعلقت بـ مسلسل إش إش

كما تحدثت الفنانة مي عمر، عن مسلسلها إش إش، قائلة: مسلسل إش إش خلصنا تصويره، هو بيتكلم عن حياة راقصة وبنشوف العالم ده من وجهة نظر مختلفة، في حالة إنسانية إش إش بتعيشها وأنا حبيت المسلسل ده واتعلقت بيه جدًا.