شكرا على متابعتكم خبر عن هتتشدوا من لسانكم على النار
الإثنين 06/يناير/2025 – 06:10 م
علقت الفنانة شهيرة، على انتقادات حياة الفنانين الشخصية، وذلك بعد أزمة حفل زفاف الفنان محمد العمروسي والفنانة مي فاروق.
وقالت شهيرة عبر حسابها الشخصي بموقع التواصل الاجتماعي فيسبوك: أنتم إيه مشكلتكم ؟!! تطاول عمال على بطال وبدون سبب ؟؟ والتدخل في حياتنا الشخصية بدون وجه حق.. نفسي من فترة طويلة أتكلم في الموضوع إلى أن وجدت الفرصة الذهبية اللي حمستني واستفزتنى وهو فرح الجميلة مي فاروق.
وتابعت شهيرة: إيه الجُرم اللي عملته عشان عايزة تفرح هي وعريسها؟ مالكم أنتم تعمل فرح ولا متعملش؟ ولادها فرحانين ولا مش فرحانين؟ مالكم أنتم أوصياء عليهم؟ إيه الرخامة دي هو أنتم عايزين تلطشوا فينا عشان نفسيتكم تستريح؟! طيب ما تروحوا لدكتور نفسي يريحكم.. وهيلاقى حل أكيد لكمية الحقد والغل والسواد اللي مالي قلوبكم طيب أنتوا بتقولوا إحنا مابنخفش من ربنا.
وأضافت: خافوا أنتم منه واتقوا الله في لسانكم هتعملوا إيه يوم الحساب؟!! ياللي بتعرفوا ربنا طيب الحديث اللي بيقول هل يكب الناس في النار علي وجوههم إلا حصائد ألسنتهم، إيه موقفكم من الكلام ده ياللي بتعرفوا ربنا هتتشدوا كده من لسانكم على النار بسبب تطاولكم وجرحكم لناس معملوش حاجة غير أنهم اتجوزوا على سنة الله ورسوله، وأعلنوا عن زواجهم طريقتهم مش عجبتكم، أنتوا مالكم ما كل واحد حر في حياته يحتفل ويفرح براحته عيب والله تضايقوا ناس فرحانة وتقرفوهم كده.
وأوضحت: المهم الناس دي لو شافوا فنان في أي مكان يجروا وراه بالمشوار ممكن صورة ممكن سلفي.. إيه التناقض العجيب ده، والله دايما أقول بيحبوا الفن والفنانين لدرجة الكره والكراهية بدعي لربنا أن الناس دي تروح تتعالج مش كلام بجد والله، لأن حسابكم بعد كده عسير وبتاخدوا برضه مننا دعوات حلوة.
