ولاد أخويا الخمسة اتيتموا| بث مباشر

سيطرت حالة من الحزن على أسرة عادل أحمد عبد الله، أحد ضحايا حادث رجب عمران لاعب فريق طلائع الجيش، وذلك بعدما لقي مصرعه و2 آخرين نتيجة اصطدام اللاعب به بسيارته في منطقة أوسيم التابعة إلى محافظة الجيزة.

حادث رجب عمران لاعب طلائع الجيش

وقال شقيق الضحية، إن تفاصيل الحادث تعود عندما كان شقيقه متواجدًا عند مستودع الأنابيب رفقة نجل خاله، ثم اصطدمت بهما سيارة كانت تسير بسرعة جنونية نتيجة اصطدامها بمطب.

وواصل: أخويا كان واقف هو وابن خالي بيغيروا أنابيب عشان يبيعوها ويسترزقوا منها.. وفجأة ظهرت عربية ماشية بسرعة خبطتهم.. وانهاردة مش أخويا بس اللي مات لأ ده ابن خالي اللي كان معاه كمان مات.. والشخص التالت اللي اتخبط معاهم في الحادثة تعبان في المستشفى.

وأضاف شقيق الضحية أن شقيقه الراحل لديه من الأبناء 3 بنات وولدين، لافتًا إلى أنه تعرض إلى إصابات بالغة إثر هذا الحادث منها نزيف وكسور وجروح متفرقة في أنحاء الجسد، ما تسبب ذلك في وفاته على الفور.

واختتم قائلًا: أنا مش عاوز حاجة غير حق أخويا وابن خالي اللي ماتوا.. الأسرة كلها مصدومة من اللي حصل ومرات أخويا حالتها صعبة.. وخصوصًا إن أخويا معاه 5 عيال وابن خالي نفس الكلام وكان شغال أرزقي.